La 2-a ekspozicio - Esperanto kaj junularo
La 28-an de marto 2009, dum la naskiĝtago de Komenio, estis
inaŭgurita la 2-a ekspozicio omaĝe al la 40-a datreveno de Ĉeĥa
Esperanto-Asocio kaj la planata 65-a Internacia Junulara Kongreso en Liberec
Fotografaĵoj spekteblas ĉi tie
Dum la solena inaŭguro salutparolis precipe Petr Chrdle nome de Ĉeĥa Esperanto-Asocio kaj Daniel Mrázek nome de Ĉeĥa Esperanto-Junularo. Kulturprogramon prizorgis violonisto Jan Duda.
La ekspozicio prezentis superrigardon de riĉa aktiveco de ĈEA. Librovitrinoj estis aktualigitaj per kolekto de libroj, broŝuroj kaj gazetoj eldonitaj de ĈEA.
Prezentita estis ankaŭ historio de junulara movado en Ĉeĥio kaj interesa temo „Esperanto kaj familioj“.
La eksponaĵojn pruntedonis Esperanto-kluboj el la tuta Ĉeĥio, la Ĉeĥa sekcio de TEJO kaj Ĉeĥa radio Leonardo.
La ekspozicio daŭris ĝis septembro 2009.
- publikita 28. 3. 2009
- 537 homoj de tiam tralegis tiun ĉi artikolon
- paĝon oni povas printi