Jen la titolo de aŭskultinda prelego de Petro
Chrdle okazinta virtuale la 5-an de aprilo 2023 kadre de la programoj de la
Esperantista
Klubo en Brno. La temo estis dediĉita al la forpasdatreveno de d-ro
Zamenhof (14.4.) kaj la naskiĝdatreveno de Komenio (28.3.). Nun ni volonte
partumas kun vi la videoregistraĵon!
Ĉiu esperantisto scias, ke la Unua Libro, eldonita de d-ro
Zamenhof sub la pseŭdonimo Doktoro Esperanto, estis eldonita la 26-an de julio
1887 en Varsovio. Tamen ne ĉiu scias, ke ĝi estis finkreita du jarojn antaŭe
en malmulte konata komunumo en suda Litovio. Kiel ĝi aspektas nun?
Kaj kio memorigas tie pri la iniciatinto de nia komuna lingvo? Venu tien kun ni
por eta virtuala ekskurso por iom ekkoni unu el la kernaj lokoj de la
Esperanto-historio!
Ĉi-sube ni prezentas al vi liston de ligiloj al multmediaj
dosieroj rilataj al la enhavo de la solenaĵo, okazinta 14.-16.9.2018. Temas
pri artikoloj, fotogalerioj kaj videomallongigoj de la programo.
La nova ekspozicio en Esperanto-Muzeo en Svitavy,
inaŭgurita la 14-an de septembro 2018 kadre de la semajnfina solenaĵo
omaĝe al 10jariĝo de la muzeo, ĉi-foje kunligas en si du diversajn
temojn.
La 20-an de septembro 2008 en la Ottendorfer-Domo en
Svitavy
estis inaŭgurita Esperanto-Muzeo.
Omaĝe al tiu ĉi deka jubileo dum la semajnfino
14.-16.9.2018 okazis aparta solenaĵo sub
aŭspicio de la urbestro kaj subtenanto de Esperanto David Šimek.
Okaze de la 85-a datreveno de
Esperanta klubo en
Svitavy la 4-an kaj la 5-an de aŭgusto 2018 Verda Stacio preparas vivajn elsendojn
rekte el la Esperanto-Muzeo. Ni invitas vin al ilia spektado!
Inter la 14-a kaj la 16-a de septembro 2018 okazos jubilea aranĝo kun riĉa programo.
Vidu, kio ĉio atendas vin!
Vi estas elkore bonvenaj!
Ekde la 28-a de decembro en
teretaĝo de la Domo de Ottendorfer,
kiu estas sidejo de la Esperanto-Muzeo, okazis konstruadaptoj.
Ekde fino de februaro 2018 la spaco en nova beleco denove malfermitas por la
publiko. Ni invitas vin ĉi-tiel al la vizito!
Ni prezentas al vi murkalendaron por 2018, eldonitan
omaĝe al la ĉi-jara deka naskiĝdatreveno de Esperanto-Muzeo en Svitavy.
Ekde la 28-a de decembro 2017 supozeble ĝis marto
2018 nia muzeo estos portempe fermita pro internaj rekonstrulaboroj en la
Ottendorfer-Domo. Pri la detaloj koncerne remalfermon ni ĝustatempe informos
vin. Intertempe ni invitas vin viziti ekz. niajn virtualajn kolektojn ĉe la
Muzea paĝo ĉe
Ipernity, en kiu atendas vin 55 multmediaj
albumoj, unu ankaŭ pri kristnaska
kaj vintra temaro.
La 9-an de junio
2017 ĉeĥlingve kaj sekvatage esperantlingve estis en nia muzeo solene
inaŭgurita nova tutjara ekspozicio, ĉi-foje nomita „La Homo kontraŭ
Babelo“. Ĝi estas dediĉita al la 100-jara datreveno de forpaso de d-ro
L.L.Zamenhof, kiu ĉi-jare troviĝas sur la oficiala listo de UNESCO, sed ankaŭ
al la ceteraj pioniroj de Esperanto kaj de la ideo de la justa lingva komunikado
kaj interkompreniĝo inter homoj.La simbola nomo de la ekspozicio estis
transprenita el la ĉeĥlingva traduko far Jindřiška Drahotová de la
biografia libro pri d-ro Zamenhof „La Homo kiu defiis Babelon“ de
R. Centassi kaj H. Masson.
Esperanto-Muzeo en Svitavy elkore invitas vin por la
evento okazonta inter la 9-a kaj la 11-a de junio 2017. Kio ĉio por vi
preparatas?
Dezirante al vi ĉion bonan en la sekva jaro ni
antaŭĝojas viajn ĉu virtualajn, ĉu fizikajn vizitojn ĉe ni! Ni almetas
ligilon al interesaj multmediaj dosieroj pri zamenhof- kaj kristnaskaj temoj. Ni
informas ankaŭ pri risko de baldaŭa fermiĝo de Ipernity kaj pri ebleco de
ĝustatempa elŝuto de dosieroj el nia tiea paĝo.
Per teksto, fotaĵoj kaj videoj ni volus resumi por
vi interesaĵojn el niaj lastmonataj aktivecoj.
Oficialan Antaŭkonresan Ekskurson por
partoprenantoj de la 101-a Universala Kongreso en Nitro gastigos en la
tagoj 19.-23.7.2016 ĝuste la urbo Svitavy.
Ni elkore invitas vin kaj alportas precizigajn informojn.
Profesia 10minuta filmo pri la urbo Svitavy, en
2015 Esperantlingve dublita, aperis en la retejo CRI (Ĉina Radio
Internacia) kompletigita ankaŭ per aparte aldonitaj samtempaj
Esperantaj subtekstoj, tiel ke por spektantoj eblas pli facile
sekvi kaj kompreni la komentarion. La urbo gastigos unusolan oficialan
Antaŭkongresan Ekskurson antaŭ la 101-a UKo en Nitra kaj la menciita filmo
trafe prezentas por interesiĝantoj ĝiajn allogaĵojn. Ni invitas vin elkore al
ĝia sekvado!
Sub tiu ĉi nomo la 26-an de septembro estis
inaŭgurita nia nova jara tema ekspozicio. Ĝia subtitolo estas
„Alternativaj formoj de vojaĝado kaj ekkonado de fremdaj landoj kaj
kulturoj“. La ĉefa celo estas montri al la publiko, kiamaniere Esperanto
ebligas dum vojaĝado ekkoni la mondon pli persone kaj pli profunde. La
ekspoziciaĵoj estas sufiĉe variaj kaj ni esperas, ke ankaŭ spertaj
esperantistoj trovos en ĝi nemalmulton novan kaj interesan!
Ĉeĥa Esperanto-Asocio okupiĝas sisteme ankaŭ pri
internacia diskonigo de la urbo, en kiu ĝi kaj Esperanto-Muzeo havas sian
sidejon. Ke Svitavy indas je vizito ne nur pro Esperanto, vi espereble
konvinkiĝos pere de jena profesie farita dekminuta filmo Svitavy –
malferma kaj movoplena urbo, kiu estis somere 2015 dublita
esperantlingve.
La urbo Svitavy estas ne nur sidejo de nia muzeo
(ekde 2008), sed ekde 2011 ankaŭ de Ĉeĥa Esperanto-Asocio. Kun historio kaj
allogaĵoj de la urbo vi povas ekde nun konatiĝi pere de jena profesie kreita
filmo, kiu dublitas al Esperanto. La kvaliton bv. mem juĝi!
Ni elkore invitas vin al nia muzeo dum la lasta
septembra semajnfino 2015! Atendas vin riĉa kultura, kleriga kaj amuza
programo.
Esperanto-Muzeo en Svitavy (Ĉeĥio) krom la daŭra ĝenerala ekspozicio pretigas ĉiujare novan teman ekspozicion – la nuntempa , daŭranta ĝis la 15-a de septembro, temas pri kolektado (vidu www.ipernity.com/…81031/806146). La 26-an de septembro 2015 okazos inaŭguro de la nova ekspozicio sub la temo „Kun Esperanto ĉirkaŭ la mondo“ aŭ „Alternativaj manieroj de ekkonado de fremdaj landoj kaj kulturoj“. Por fari ĝin laŭeble plej bunta kaj interesa, ni atendas ankaŭ viajn kontribuaĵojn!
Ni invitas vin al nia nova tutjara tema ekspozicio. Atendas vin
diverstemaj ekspoziciaĵoj el pli ol 40 landoj, pruntedonitaj de
15 ekspoziciantoj el la tuta Ĉeĥio, Kroatio kaj Francio!
Vi povas sekvi kompleksan prelegon kun fotoprezentado de Petro Chrdle, prezentitan dum la Konferenco pri Apliko de Esperanto en Scienco kaj Tekniko, okazinta en Modra (Slovakio) 13.-16.11.2014.
La 27-an de septembro 2014 je 10:30 okazos solena inaŭguro de
la nova tutjara tema ekspozicio en Esperanto-Muzeo Svitavy, ĉi-foje pri
„ESPERANTO KAJ KOLEKTADO“. La aranĝo okazos kun paralele organizita
tutŝtata filatela ekspozicio. Ni sincere invitas vin kaj alportas precizigajn
informojn pri la por vi preparata riĉa dutaga programo.
Al ĉiuj niaj vizitantoj ni deziras belajn festojn kaj la tutan
sekvan paskoperiodon kaj antaŭĝojas nian pluan renkontiĝon, ĉu virtualan,
ĉu personan.
Aŭtune de ĉi tiu jaro atendas la muzeo la plej grandan eventon.
Krom inaŭguro de nova tutjara ekspozicio okazos filatela revuo, kie havos
esperantaj materialoj propran ekspozician spacon.
Ekde la 1-a de oktobro ĝis la 30-a de novembro
2013 Esperanto-Muzeo en Svitavy estos fermita pro rekonstruo de la hejtado en
la tuta domo. Ni dankas pro via komprenemo kaj antaŭĝojas vian viziton ekde la
1-a de decembro.
Inter la 3-a kaj la 10-a de aŭgusto 2013 okazis en Svitavy la
63-a Kongreso de KELI (Kristana Esperantista Ligo Internacia), kiun partoprenis
gastoj el 10 landoj.
La 8-an de junio 2013 estis en nia muzeo inaŭgurita nova
tutjara ekspozicio, ĉi-foje unike specialigita pri la arta kreemo de
esperantistoj, ev. aktivaj subtenantoj de Esperanto Koncentriĝis prezento de
verkoj ne nur de vidartistoj, sed ankaŭ de poetoj, profesiaj aktoroj kaj
muzikkomponistoj, entute el 13 landoj de 4 kontinentoj.
Inaŭguro de la nova tutjara ekspozicio „Esperanto kaj muzoj“ okazis sabate la 2-an de junio 2013 kadre de la jam tradicia Muzea nokto, por kiu estis pretigita bunta akompanat kultura programo.
Ni invitas elkore ĉiujn interesitojn por la lasta septembra
semajnfino, ekde la 27-a ĝis la 29-a de septembro 2013, al
Jubilea Solenaĵo omaĝe al kvinjariĝo de Esperanto-Muzeo kaj 80 jaroj de
Esperanto en Svitavy. Preparata por vi vere bunta interesa programo kontraŭ tre
favoraj prezkondiĉoj! Ne hezitu legi plu!
Ni elkore invitas vin al solena inaŭguro de la nova tutjara tema
ekspozicio en nia muzeo, ĉi-foje kun la temo „Esperanto kaj
muzoj“. Ni pretigas por vi buntan programon kaj esperas, ke vi ne enuos!
La aranĝo okazos sabate la 8-an de junio kun ebla plilongigo de la restado!
En Esperanto-Muzeo en Svitavy (Ĉeĥio) krom daŭra (kaj
aktualigata) ĝenerala ekspozicio pri Esperanto mem estas ĉiujare preparata
speciala tema ekspozicio, en 2013 kun la temo „Esperanto kaj
muzoj“.
Solena inaŭguro kun bunta kultura programo okazos sabate
la 8-an de junio 2013. Por fari ĝin kvalita kaj vere internacia, ni tre aprezos vian eventualan helpon!
Jen listo de la plej gravaj Esperanto-aranĝoj interesaj ankaŭ
por vi, eksterlandaj gastoj! Tri el ili okazos rekte en la urbo Svitavy, kiu
estas tre bone trafike atingebla el ĉiuj direktoj. Eble iu el la aranĝoj
kongruos kun viaj ĉi-jaraj vojaĝplanoj! Estu elkore bonvenaj ĉe ni!
Ĉar nia muzeo prizorgas dokumentadon prioritate pri historio kaj
Esperanto-movado en Ĉeĥio (kvankam kompreneble ne nur), ne preterlasindas
ankaŭ aktivecoj de handikapitaj esperantistoj kaj iliaj favorantoj, kiuj ĵus
kunvenis. La 6-a Internacia kongreso de AEH-IKEH en Štíří Důl (Skorpia
Valo) ĉe la urbo Krucemburk
okazis post kvin jaroj en la tagoj 13.-16.9.2012. La kongreso estis organizita
en somerrestadejo en ĉarma loko de la re- giono Vysočina (meze inter bohemia
kaj moravia parto de Ĉeĥio).
Dimanĉe la 16-an de septembro 2012 inter la 13-a
kaj 17a horo alireblas por vi nia muzeo tute senpage. Kion ĉion vi povas tie
sperti kaj fari krome, kompare kun aliaj vizitotagoj?
Kion ĉion vi maltrafis, se vi ne venis al nia Muzea nokto la
2-an de junio? Ion ni jam klopodis peri skribe kaj perfote. Sonraporton pri
parto de la programo vi povas nun aŭskulti en la plej freŝa podkasta
radioprogramo de la Verda Stacio!
La 2-an de junio okazis en Esperanto-Muzeo en Svitavy jam la 4-a
Muzea nokto kun riĉa programo. Kadre de ĝi estis inaŭgurita nova tutjara
ekspozicio „125 jaroj de Esperanto“. La aranĝon partoprenis ankaŭ Pavol
Kaščák, ĉefredaktoro de la renaskiĝinta Verda Stacio, kiu pretigis pri la muzeo
radioelsendon, aŭskulteblan nun interrete ĉe la Ĉina Radio Internacia.
Lige al la nova tutjara muzea ekspozicio
„125 jaroj de Esperanto“ ni konatiĝu kun la eksterordinara
vivhistorio de Francisko Valdomiro Lorenc, nestoro de Esperanto-movado en
Ĉeĥio – viro, kies dua hejmlando fariĝis Brazilo, homo nekredeble (ne nur)
lingve talentita kaj fekunda verkisto pri nekutimaj temoj …
Jam la kvaran fojon okazis en Svitavy „Muzea nokto“ kun
bunta programo, al kiu kontribuis ankaŭ nia muzeo. Ni invitas vin al
retrospektivo de la aranĝo, eĉ kun ligiloj al kelkaj filmetoj kaj muzikaĵoj
prezentitaj. Fotaĵojn vi povas trarigardi en nia Fotogalerio.
La VIII-a Festivalo de muzeaj
noktoj okazos en la tuta Ĉeĥio inter la 18-a de majo kaj la 9-a de junio.
Sabate la 2-an de junio malfermiĝos pordoj de Urba Muzeo kaj
Galerio Svitavy kaj de nia Esperanto-Muzeo. Ĝis malfrue vespere vi povos ne nur
senpage trarigardi kaj daŭrajn kaj freŝnovajn ekspoziciojn, sed ankaŭ
partopreni riĉan akompanan programon kaj ĝui komunecon kun viaj malnovaj kaj
novaj Esperanto-geamikoj.
La 2-an de junio estos inaŭgurita en nia muzeo nova tutjara
ekspozicio kun ĝenerala temo „125 jaroj de Esperanto“. Por ĝi ni aparte
serĉas interesajn historiajn materialojn ankoraŭ ne prezentitajn (precipe pli
ol 50 jarojn aĝajn, sed ne nur) – fotaĵojn, bildkartojn, eldonaĵojn,
tridimensiajn objektojn ktp.
+-+la+ĉefplaco+vespere_560.jpg)
Prestiĝa internacia kultura Esperanto-organizaĵo
nomata OSIEK gastos dum sia ĉiujara konferenco ĝuste en Svitavy kaj en nia
muzeo. Se vi ne ankoraŭ vizitis nin, jen proponiĝas bona okazo por tio,
ĉu ne?
Ni ĝojas, ke ĝuste la urbo Svitavy, kie situas nia muzeo, havis
la honoron gastigi internacian Vikimanion omaĝe al la dekjara jubileo de
esperantlingva interreta enciklopedio Vikipedio.
En Muzea nokto en Svitavy, kiu okazis la 4-an de junio 2011,
partoprenis ankaŭ Esperanto-Muzeo kaj por siaj vizitantoj ĝi preparis buntan
netradician programon.
SPIRITAJ TRADICIOJ DE LA MONDO KAJ ESPERANTO – jen la nomo de nia nova tutjara ekspozicio, inaŭgurita kadre de la Muzea nokto la 4-an de junio 2011.
Esperanto-muzeo allogas ankaŭ eksterlandajn gastojn el diversaj
landoj !
Fotografaĵoj el ilia vizito estas videblaj ĉi tie
La 4-a ekspozicio estas dediĉita al desegnita humuro kaj
inkluzivas pentraĵojn de fama ĉeĥa pentristo Pavel Rak pri (ne)interkompreno
inter nacioj.
Fotografaĵoj el ekspozicio estas videblaj ĉi tie
Oktobre 2009 okazis en la muzeo jarkonferenco de Ĉeĥa
Esperanto-Asocio. Tradicia renkontiĝo de ne nur ĉeĥaj esperantistoj estis
dediĉita al labortaksado, planado, sed ankaŭ al instruado, kulturo
kaj amuzo.
La tria ekspozicio daŭris ekde la 9-a de oktobro
2009 ĝis majo 2010. Fotografaĵoj el la ekspozicio estas videblaj ĉi tie.
Somere 2009 vigligis la muzeon la aranĝo EKOTUR – jam
tradicia internacia renkontiĝo de esperantistoj. Fotografaĵoj de aranĝoj
estas videblaj ĉi tie.
La 28-an de marto 2009, dum la naskiĝtago de Komenio, estis
inaŭgurita la 2-a ekspozicio omaĝe al la 40-a datreveno de Ĉeĥa
Esperanto-Asocio kaj la planata 65-a Internacia Junulara Kongreso en Liberec
Fotografaĵoj spekteblas ĉi tie
La unua ekspozicio, inaŭgurita la 20-an de septembro 2008,
daŭris ĝis februaro 2009 kaj temis ĝenerale pri historio kaj nuntempo de
Esperanto-movado, precipe sur teritorio de Ĉeĥio.
Fotografaĵoj el la ekspozicio estas videblaj ĉi tie
Sabate la 20-an de septembro 2008 estis inaŭgurita Esperanto-Muzeo en la
historia konstruaĵo en Svitavy – en la Domo de Ottendorfer.
Fotografaĵoj el la solena inaŭguro estas videblaj ĉi tie
Fotografaĵoj el preparo de inaŭguro estas videblaj ĉi tie