La 2-an de junio okazis en Esperanto-Muzeo en Svitavy jam la 4-a
Muzea nokto kun riĉa programo. Kadre de ĝi estis inaŭgurita nova tutjara
ekspozicio „125 jaroj de Esperanto“. La aranĝon partoprenis ankaŭ Pavol
Kaščák, ĉefredaktoro de la renaskiĝinta Verda Stacio, kiu pretigis pri la muzeo
radioelsendon, aŭskulteblan nun interrete ĉe la Ĉina Radio Internacia.
La intervjuon kun ĉeforganizantino de la aranĝo Pavla Dvořáková vi povas aŭdi ĈI-TIE.
Por starti la elsendon, klaku komence de la aperinta teksto al signo de aŭskultiloj.